ކުރިއަށް އޮތް ރައްޔިތުންގެ މަޖިލީހުގައި ވައިކަރަދޫ ދާއިރާއަށް އެމްޑީޕީ ޓިކެޓުގައި ވާދަކުރާނެ ފަރާތެއް ކަނޑައެޅުމަށް ޓަކައި ބާއްވާ އިންތިހާބުގެ ވޯޓުލުން ފަށައިފިއެވެ.
މިއަދު 2:30 ގައި ވައިކަރަދޫ ސުލައިމާނިއްޔާ ސްކޫލު ހޯލުގައި ވޯޓުލާން ފެށިއިރު، އެމްޑީޕީގެ ގިނަ މެންބަރުން ވަނީ ވޯޓްލުމަށްޓަކައި އެ ސަރަހައްދަށް ޖަމާވެފައެވެ. ހަމައެއާއެކު މާލޭގައި ވެސް މިހާރު ވަނީ ވޯޓުލުން ފެށިފައެވެ. މާލޭގައި ވޯޓު ފޮށި ބަހައްޓައިފައިވަނީ އިސްކަންދަރު ސްކޫލުގައެވެ.
ހަތަރު ކެންޑިޑޭޓުން ވާދަކުރާ މި އިންތިޚާބުގައި ވޯޓުލުމުގެ ޙައްޤު ލިބިގެންވާ 1200 އަށް ވުރެން ގިނަ މެންބަރުން އެބަ ތިއްބެވެ.
