ހދ. އަތޮޅު މަދަރުސާގެ މިއަހަރުގެ އިންޓަރ ހައުސް ފުޓްސަލް މުބާރާތް މިއަދު ހަވީރު ފަށައިފިއެވެ. 3 ޢުމުރުފުރާއަކަށް ބަހައިލައިގެން ސްކޫލް ދަނޑުގައި ކުރިޔަށް ގެންދާ މި މުބާރާތް ފައްޓަވައިދެއްވީ ވައިކަރަދޫ ކައުންސިލްގެ ރައީސް
އަޙްމަދު ނަސީމެވެ. މި މުބާރާތުގައި ޖުމްލަ 9 ޓީމް ވާދަކުރާ މި މުބާރާތް ކުރިޔަށް ދާނީ 7 ފެބްރުއަރީ އިން 9 ފެބްރުއަރީ އާއި ހަމައަށެވެ.
މުބާރާތް ފެށުމުގެ ގޮތުން ކުޅެވުނު ސީނިއަރ ގްރޫޕްގެ ފުރަތަމަ މެޗުގައި ބައްދަލުކުރީ މަލިން ހައުސް އާއި މޭނާ ހައުސް އެވެ. މި މެޗު 4 ލަނޑު 3 ލަނޑުން މަލިން ހައުސް ވަނީ ކާމިޔާބު ކޮއްފައެވެ. މިއަދު ކުޅެވުނު މުބާރާތުގެ ދެވަނަ މެޗުގައި ބައްދަލުކޮއްފައިވަނީ މަލިން ހައުސް ޖޫނިއާ ޓީމާއި ވޭލާހައުސްގެ ޖޫނިއާ ޓީމެވެ. މިމެޗް 7 ލަނޑު 2 ލަނޑުން ވޭލާ ހައުސް ވަނީ ކާމިޔާބު ކޮއްފައެވެ.
މި މުބާރާތް ހިންގުމުގަ ސްކޫލްގެ މުއައްޒަފުންނާއި، ޕީޓީއޭ، އަދި އިސްދަރިވަރުންގެ ފަރާތުން ލިބެމުންދާ އެހީތެރިކަމާއި އެއްބާރުލުން ފާހަގަކޮށް އެކަމައްޓަކައި ސްކޫލްގެ ޕުރިންސިޕަލް ވަނީ ޝުކުރު އަދާކޮއްފައެވެ.
